Фудбалската репрезентација на Шпанија доживеа голем удар пред осминафиналната пресметка со Хрватска, откако се повреди голманот Давид де Хеа. Тој нема да биде подготвен за настап со оглед дека заработи повреда на мускулот на левата нога на последниот тренинг.
„Де Хеа има мало истегнување на мускулот на левата нога. Со него нема да се ризикува“, откриваат од шпанската репрезентација.
Хрватите исто така ќе бидат ослабени за денешниот осминафинален дуел во Копенхаген. Селекторот Златко Далиќ нема да може да смета на Иван Перишиќ кој е во изолација откако покажа позитивен тест на коронавирус.
