Фудбалерите на Македонија ЃП со триумф против второлигашот Слога Виници ги заокружија пријателските натпревари пред стартот на новата сезона во Првата македонска фудбалска лига. „Лавовите“ на својот стадион во Ѓорче Петров славеа против виничани минимално со 1-0. Стрелец на победничкиот гол за Македонија ЃП беше Сефер Емини од пенал во 70. минута од средбата.
Беласица, пак, повеќе од убедливо со 6-0 триумфираше против гевгелискиот второлигаш Кожуф. Стрелци на головите за струмичани беа во првото полувреме, Милушев во 5. минута од пенал, и Каланоски во 40. минута. Во вториот дел стрелаа уште и Мирчески во 48. минута, па Каланоски со вториот свој гол во 74. минута, Размоски во 81. минута, како и Митев во 90. минута за конечни 6-0.
Фудбалерите на Струга Трим Лум со победа против Охрид од 2-0 на последниот пријателски натпревар ќе го очекуваат стартот на новата сезона во Првата лига.
Избраниците на Срѓан Захариевски беа подобри на теренот во првото полувреме против охриѓани на дуелот кој се играше на стадионот на СРЦ „Билјанини извори“ во Охрид. Победата ја обезбедија уште во првите 45 минути со головите на Лена од пенал и засилувањето Марјан Алтипармаковски.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski