Претседателот на Пари Сен Жермен, Насер Ал-Келаифи, побара од УЕФА да ги истражи финансиските зделки на Барселона ова лето и ги обвини Каталонците. Шпанскиот гигант има огромен долг во последните години, но сепак потроши голема сума во текот на летото на нови засилувања, продавајќи ги своите маркетиншки права – еден дел од нивните телевизиски и дигитални права – за да обезбеди финансии.
Сепак, според Ал-Келаифи, ова создава нелојална конкуренција.
„Дали е тоа фер? Не е фер. Дали е законско? Не знам“, изјави Ал – Келаифи.
Парискиот клуб и Барселона имаат многу заладени односи откако ПСЖ го купи Нејмар пред неколку години, а потоа и Лионел Меси, додека минатата година Барселона сакаше да се отцепи во Суперлигата, а францускиот клуб остана лојален на УЕФА.
ПСЖ, исто така, често е критикуван од другите клубови дека всушност е во сопственост на Катар и дека користи фиктивни спонзорски договори за да пумпа пари во клубот, што им дава неправедна предност. Ал-Келаифи е и претседател на Европската клупска асоцијација, а неговото влијание во УЕФА е огромно.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski