Клубовите од Премиер – лигата имаат итен состанок на кој ќе гласаат за привремена забрана за зделки со позајмици за време на јануарскиот преоден рок меѓу клубови со еден ист сопственик, објавија медиумите на Островот. Одлуката треба да биде одобрена од 14 од 20-те клубови во Премиер-лигата и се очекува да биде објавена на 21 ноември.
Тоа значи дека Њукасл нема да може да привлече ниту една ново ѕвездено име од четирите тима од Саудиска Арабија, кои се во сопственост на државниот фонд за странски инвестиции. Во последните неколку дена се шпекулираше дека „чавките“ ќе го земат Рубен Невеш на позајмица од Ал-Хилал поради суспензијата на Сандро Тонали.
Оваа одлука, сепак, значи дека и другите модели на сопственост на повеќе клубови, како што се „Сити Фудбал Груп“ на Манчестер Сити, Арсенал, Астон Вила, Челси, Брајтон, Вест Хем, Нотингем Форест, Борнмут, Шефилд Јунајтед и Кристал Палас нема да можат да користат таков тип на зделки. Очекуваниот нов малцински сопственик на Манчестер Јунајтед, Сер Џим Ретклиф е сопственик и на лидерот во Лига 1, Ница и веќе започна со шпекулации за можни трансфери во оваа насока во текот на зимата.
Англискиот печат го споменува Њукасл како најсериозно загрижен за идната одлука на тимот, бидејќи сопствениците на „чавките“ поседуваат некои од најголемите тимови во Саудиска Арабија, како Ал-Наср, Ал-Хилал, Ал-Итихад и Ал- Ахли, кои летото успеа да привлечат некои големи имиња од европскиот фудбал.
