Барселона е во огромна финансиска криза предизвикана од пандемијата на коронавирус, а челниците на клубот на секој начин се обидуваат да ја стабилизираат ситуацијата.
На почетокот на годината многу првотимци се согласија на намалување на платата, а главната цел на клубот сега е да продаде некои од најплатените играчи во тимот и да се стабилизира.
Барселона најде уште неколку начини како да заштеди, а на „удар“ повторно ќе бидат првотимците на каталонскиот клуб.
Шпанските медиуми објавија дека фудбалерите на Барселона годинава нема да добијат божиќни подароци што беше традиција во овој клуб. Челниците порачаа дека едноставно не можат да трошат пари на такви работи.
Фудбалерите на Барселона во претходните години за Божиќ добивале нов мобилен телефон Ајфон или скапи часовници, но оваа година традицијата ќе биде прекината.
