Повреда за Лука Станковски на дебито за Газијантеп

Македонскиот младински репрезентативец Лука Станковски немаше среќа на дебито за Газијантеп. Тој заработи повреда која ќе го оддалечи од терените околу два месеци, јавуваат турските медиуми.

Станковски влезе во игра во последните десетина минути од дуелот со Башакшехир, но го повредил скочниот зглоб. Тој нема да може да настапи за младата репрезентација на Македонија до 21 година на мечевите против Србија и против Фарски Острови.