Напаѓачот на Јувентус, Пауло Дибала, кој на лето ќе ги напушти „бјанконерите“ како слободен играч, го направил својот избор кој ќе биде неговиот следен тим, објави „Газета Дело Спорт“ на денешната насловна страница. Тоа е големиот ривал на „старата дама“ – Интер. Така, Аргентинецот сака да им се одмазди на челниците на Јуве за нивната одлука да не му го продолжат договорот што истекува, пишува изданието.
Дибала им даде приоритет на преговорите со „нероаѕурите“ и се чини дека по состанокот минатата недела двете страни се блиску до договор за четиригодишен договор со плата од 6 милиони евра плус бонуси, што ќе го израмни со фудбалерите кои заработуваат најмногу во клубот, Лаутаро Мартинез и Марсело Брозовиќ.
За таа цел, Интер има намера да се раздели со Артуро Видал, Алексис Санчез и со Матијас Весино. Голем дел од заслугите за евентуалниот трансфер има извршниот директор Џузепе Марота, кој во 2015 година од Палермо го донесе Дибала во Јувентус.
Дибала ќе го облече тимот на трет италијански тим, заминувајќи од „бјанконерите“ со кои има 289 натпревари и 114 постигнати гола.
