Очекувано, не сите фанови на Тотенхем беа незадоволни од поразот на тимот од Манчестер Сити (0-2) синоќа во Лондон. Ова поради тоа што со овој резултат големиот ривал Арсенал останува со помали шанси за освојување на титулата во Премиер – лигата.
Еден таков навивач го испровоцира менаџерот на Тотенхем, Анге Постекоглу, да влезе во вербален конфликт со него. За време на натпреварот, менторот се нервираше и се сврте кон навивач кој стоеше зад клупата со зборовите: „А ти за кој тим навиваш?“.
Доколку тимот на Постекоглу освоеше барем бод од овој натпревар, Арсенал ќе одеше во последното коло со предност пред Сити. Со поразот Тотенхем ги загуби и теоретските шанси за учество во Лигата на шампионите.
