Менаџерот на Селтик, Анге Постекоглу, ја известил управата на шкотскиот гигант дека сака да замине во Тотенхем, пренесуваат медиумите на Островот.
57-годишниот стратег им кажал на директорите и колегите, вклучувајќи го и главниот акционер Дермот Дезмонд, за неговата желба да го преземе Тотенхем.
Менаџерот на Селтик исто така рече дека би сакал неговиот помошник Џон Кенеди да му се придружи во клубот од Премиер – лигата.
Постекоглу стана фаворит за менаџерската функција на Тотенхем. Под негово водство, Селтик стигна до тројна круна оваа сезона, играјќи и исклучително атрактивен фудбал што го заинтригира претседателот на Тотенхем, Даниел Леви.
Англискиот премиерлигаш сега се надева дека ќе постигнат напредок во преговорите и ќе потпише договор со посакуваниот менаџер Постекоглу.
