Челси продолжува да прави обиди да ги засили своите редови по разочарувачката претходна сезона. Новата цел е бразилската ѕвезда Нејмар, пишува „Ouest-France“.
Изворот тврди дека дури и сопственикот на клубот Тод Боули има личен интерес за напаѓачот, а раководството на Пари Сен Жермен за трансферот ќе бара околу 70 милиони евра.
Договорот на Нејмар со францускиот гигант истекува во летото 2025 година.
Во новата сезона со Челси ќе раководи Маурисио Покетино, со кого Бразилецот веќе соработуваше во Пари Сен Жермен. Францускиот весник „Ле Паризиен“ тврди дека доколку Бразилецот ја напушти Франција, Покетино ќе направи сѐ што е потребно за повторно да се обедини со играчот.
Во сезоната 2022/2023, Нејмар забележа 29 настапи во сите натпреварувања, постигнувајќи 18 голови и 17 асистенции.
