Менаџерот на Челси, Маурисио Покетино ја прокоментира победата на лондончани против Брајтон (1-2) во одложениот меч од 34. коло во Премиер – лигата.
„Јас сум многу задоволен. Благодарение на трите бода сега сме во многу добра позиција на табелата, што ни овозможува да се избориме за пласман во европските натпреварувања со мечот против Борнмут. Конкуренцијата во Премиер – лигата е секогаш многу сериозна, а англиското првенство е најтешко во светот“, изјави Покетино.
Благодарение на успехот „сините“ се искачија на шестото место и сега ја држат судбината во свои раце. Треба само да го совладаат Борнмут следниот викенд и ќе обезбедат пласман во Лига Европа.
