Фудбалерот на Јувентус, Пол Погба, може да му се придружи на Кристијано Роналдо во Ал-Наср.
Францускиот играч за врска издржува казна поради допинг, а се очекува да се врати на теренот во март 2025 година, но ќе може да започне подготовки уште во јануари. Погба има важечки договор со Јувентус, но клубот активно работи на негово раскинување.
Пол Погба веќе играше заедно со Кристијано Роналдо во Манчестер Јунајтед во сезоната 2021/22, а двајцата се во добри односи.
Меѓу заинтересираните за играчот се споменуваат францускиот Марсеј и ФК Лос Анџелес од МЛС – лигата.
