Фудбалерот од средниот ред на Јувентус, Пол Погба, е казнет со забрана за настап на четири години, пренесуваат италијанските медиуми. Причина за строгата казна против 30-годишниот фудбалер е неговиот позитивен допинг тест по натпреварот меѓу „бјанконерите“ и Удинезе на 20 август минатата година.
Францускиот играч за врска беше суспендиран од Антидопинг трибуналот и не тренира со остатокот од тимот. По ова, неговата кариера речиси и да е завршена.
Погба се врати во Јувентус на слободен трансфер од Манчестер Јунајтед во 2022 година, но оттогаш има само осум настапи за „старата дама“.
