Фудбалската репрезентација на Македонија забележа пад од една позиција на најновата ФИФА ранг-листа. Сега „црвено-жолтите“ се рангирани на 63. место.
Македонија со триумфот над Лихтенштајн го задржа првото место во квалификациската група за Мундијалот во 2026 година во САД, Мексико и Канада, но негативен ефект за ранкингот остави поразот на пријателскиот натпревар со Саудиска Арабија.
Од конкурентите во групата, Белгија е највисоко рангирана – на осмото место, Велс се наоѓа на 30. позиција, Казахстан на 118. место, додека Лихтенштајн е речиси на самото дно, на 204. позиција.
На врвот на светската листа е Шпанија, зад неа следат Франција, Аргентина, Англија и Португалија.
