Вест Хем ја запиша петтата победа во Премиер лигата оваа сезона, откако на домашен терен го совлада Вулверхемптон со 2-1. Натпреварот се одигра во емотивна атмосфера, бидејќи фудбалерите на Вест Хем му го посветија триумфот на својот повреден соиграч Мајкл Антонио, кој доживеа тешка сообраќајна несреќа и беше опериран поради скршеница на ногата.
Томаш Соучек го отвори резултатот за домаќините во 54. минута. Гостите успеаја да израмнат преку Мет Доерти во 69. минута.
Сепак, само три минути подоцна, Џеред Боуен го постигна победничкиот гол, осигурувајќи три значајни поени за Вест Хем.
