Стефан Ристовски и Агон Елези имаа успешен старт во дресот на Сараево, славејќи победа од 2-1 против Универзитатеа Крајова на домашен терен во првиот натпревар од второто квалификациско коло во Конференциската лига.
Ристовски беше дел од стартниот тим и одигра 70 минути, додека Елези влезе како замена и настапи во последните 30 минути од мечот. Сараево постигна по еден погодок во секое полувреме, додека ривалот возврати со гол во вториот дел.
Езгијан Алиоски го забележа својот прв официјален настап по враќањето во тимот на Лугано, но неговото враќање не беше одбележано со победа. Швајцарскиот тим одигра нерешено (0-0) против Клуж во првиот дуел од втората квалификациска рунда во Лига Европа. Алиоски беше на теренот целиот натпревар, додека Марко Ѓорѓиевски заигра во последните неколку минути од мечот во дресот на Клуж.
