Годишната плата на Лионел Меси во Интер Мајами е 20,4 милиони долари, убедливо највисока во лигата, според податоците објавени во четвртокот од Здружението на играчи на МЛС.
Всушност, само три од преостанатите 28 тима во американското првенство трошат повеќе пари вкупно за плати отколку што Интер Мајами троши за осумкратниот освојувач на „Златната топка“.
Целиот буџет за плати на Интер Мајами е 41,7 милиони долари, што значи дека 36-годишниот Аргентинец заработува повеќе од сите негови соиграчи заедно. Поранешниот соиграч на Меси во Барселона, Серхио Бускетс е вториот најплатен соиграч со 8,7 милиони долари, додека Жорди Алба и Луис Суарез заработуваат по 1,5 милиони долари по сезона.
Трите клуба кои имаат поголем буџет за плата од платата на Меси се Торонто, Чикаго Фајр и Нешвил.
Најмал буџет е тој на Сент Луис со 12 милиони долари, додека Солт Лејк и Сан Хозе трошат по 13,6 милиони долари на своите играчи.
Според податоците на Здружението на играчи на МЛС, јасно е дека втора најголема плата по Меси има играчот на Торонто, Лоренцо Инсиње, кој добива 15,4 милиони долари годишно. Трет е Бускетс, а веднаш по него Швајцарецот Џердан Шаќири. Во Чикаго добива 8,15 милиони долари.
Топ 5 го затвора бекот на Остин, Себастијан Дриуси, со 6,72 милиони долари.
