Тренерот на Милан, Стефано Пиоли, го изрази своето разочарување од поразот на „росонерите“ од Рома со 1-2 во реваншот од четвртфиналето на Лига Европа. Милан испадна од битката со вкупен резултат 1-3.
„Рома заслужува да оди напред, тие покажаа повеќе квалитет на теренот од нас“, изјави Пиоли за „Раи Спорт“.
„Во двата натпревари имавме можности, можеби имавме повеќе шанси во целина, но не успеавме да ги реализираме. Не бевме доволно добри во двата натпревари, не покажавме доволно квалитет во нашите настапи. Очекував од тимот да играме подобро и да победиме“, додаде тој.
