Пелистер оствари минимална победа од 1-0 против австралискиот тим Престон Лајонс на пријателскиот меч што се одигра во Новаци. Единствениот гол на средбата го постигна Здравевски во 66. минута.
Натпреварот беше возбудлив и привлече значително внимание во Битола и пошироко, имајќи предвид дека голем број Македонци од овој регион живеат во Австралија и имаат семејни врски со битолското подрачје.
Престон пред неколку дена одигра пријателски натпревар и против Вардар, во кој славеше со 4-2.
