Пелистер потпиша со Нигериецот Чукумва

Македонскиот прволигаш Пелистер го ангажираше шестото ново име за пролетниот дел на сезоната во Првата лига. Нигериецот Удова Келвин Чукумва го засилува составот на Марјан Секуловски.

Крилниот напаѓач неколку дена беше на проба во Пелистер, а постигна два гола на пријателскиот натпревар против Велешта.

Претходно Пелистер потпиша и со Поповски, Али, Љамчевски, Стефановски и со Торневски.

Во првото пролетно коло в недела, Пелистер на стадионот „Петар Милошевски“ го пречекува тимот на Работнички.