Аргентинскиот играч од средниот ред Леандро Паредес ќе паузира околу две недели поради мала повреда на бутниот мускул, објави Јувентус.
Паредес се очекува да паузира до првата недела од ноември, непосредно пред Аргентина да ја започне кампањата на Светското првенство против Саудиска Арабија на 22 ноември во Катар.
„Леандро Паредес има мускулен проблем што стана јасно на крајот од тренингот во саботата. Тој беше подложен на лекарски прегледи кои открија лесна повреда на левата надколеница. Неговото целосно закрепнување ќе трае околу 15 дена“, се вели во соопштението на Јувентус.
Аргентина е во групата Ц на Светското првенство заедно со Мексико, Полска и со Саудиска Арабија.
