Резултатската криза на Шкендија уште повеќе се продлабочи откако актуелниот првак претрпе нов пораз, овојпат на домашен терен од Академија Пандев со 0-1. Ниту доаѓањето на новиот тренер Ернест Ѓока не го промени губитничкиот менталитет што тетовци го покажуваат од самиот старт на сезоната, и денеска очигледна беше немоќта да се креираат шанси и да се најде патот до противничката мрежа.
Новиот стратег се реши за формација со Агим и Бесарт Ибраими во стартниот тим заедно со Фелипе, но тројцата асови не донесоа буквално ништо во играта на Шкендија. Тетовскиот клуб имаше повеќе од играта, но не успеваше да најде начин да ја пробие одбраната на гостинскиот тим предводена од одличниот Димов. „Пандевци“ трпеливо ја чекаа шансата и конечно дочекаа во судиското продолжение од првото полувреме, кога по корнерот од десната страна Маслач го доби дуелот со Бејтулаи и од непосредна близина го совлада Захов.
Резултатот ги принуди „црвено-црните“ уште повеќе да притиснат во второто полувреме, но за нивната немоќ најдобро говори фактот дека најубавата шанса им беше онаа од слободен удар на Бесарт Ибраими, кога „седумката“ на Шкендија биеше само во живиот ѕид.
Академија Пандев со денешната победа се искачи на првото место на табелата, со еден бод повеќе и натпревар повеќе од Вардар (21-20). Шкендија со овој пораз остана на 11 бода, премалку за тимот со убедливо најголем буџет во мак-фудбалот.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski