Горан Пандев беше стартер во составот на Џенова кој истрча на теренот во Верона и одигра реми без голови против домашниот тим. Џенова се уште се бори со пандемијата на Covid-19 која го зафати тимот, а Пандев е еден од „среќниците“ кој успеа да го избегне коронавирусот.
Во 33.минута, Пандев имаше убава можност да донесе предност за Џенова, но неговиот удар со десната нога успеа да го одбрани голманот на Верона, Марко Силвестри.
Искусниот Пандев издржа на теренот до 79.минута кога на негово место во игра во тимот на Џенова влезе Виторио Париџини. Џенова по три одиграни меча има четири освоени бода на табелата во Серија А.
