Манчестер Јунајтед го договори трансферот на младата англиска ѕвезда Џејдон Санчо, информираат медиумите на Островот. Трансферот ќе биде вреден 80 милиони фунти.
Јунајтед се согласил на договор со Борусија Дортмунд за потписот на Санчо за 75 милиони фунти, плус дополнителни 5 милиони фунти како бонуси.
Санчо, кој моментално е со репрезентацијата на Англија на ЕВРО и се подготвува за осминафиналето против Германија на „Вембли“ во вторник, се очекува да стане играч на Јунајтед по завршувањето на турнирот.
Минатото лето „црвените ѓаволи“ истот ака се обидоа да го ангажираат крилниот напаѓач Санчо, но одбија да платат 110 милиони фунти на Борусија Дортмунд. Германскиот бундеслигаш постави преголеми услови за ангажман на 21-годишниот фудбалер.
