Toтенхем и Манчестер Сити вечерва (21 часот) го играат заостанатиот натпревар од 34. коло во Премиер лигата. На „граѓаните“ им е потребна победа за да го прескокне Арсенал и во последното коло да влезе со бодовна предност за одбрана на титулата.
Фановите на Арсенал, но и сите актуелни и поранешни фудбалери на „топчиите“ вечерва како ретко кога ќе навиваат за нивниот градски ривал од Лондон. Пред натпреварот се огласи и Месут Озил, поранешниот фудбалер на Арсенал.
„За првпат вечерва, „ајде Спарси“! Ако Тотенхем не го загуби овој натпревар, никогаш повеќе нема да ги исмејувам. Ветувам“, објави Германецот.
Ако Тотенхем успее да остане непоразен против Манчестер Сити, тогаш Арсенал ќе остане на првото место во пресрет на последното коло. А в недела, Арсенал игра дома против Евертон, додека Манчестер Сити ќе го пречека Вест Хем.
