Шкендија замина во Талин за да обезбеди триумф уште на првиот натпревар против Номе Калју што ќе се одигра утре, со почеток во 18 часот, на стадионот „Кардиорг“. Тренерот Ќатип Османи вели дека неговиот тим е подготвен за новата авантура во квалификациите од Лигата на шампионите.
„Подготвени сме за првиот предизвик. Го респектираме Номе Калју, но добро ги анализиравме. Естонскиот тим поседува квалитет, имаат одличен среден ред и посебно се опасни по левата страна. Но, свесни сме и за нашиот квалитет и веруваме во позитивен епилог“, изјави тренерот Ќатип Османи.
