Охрид со дресови посветени на јубилејот – 100 години фудбал во градот (ФОТО)

Македонскиот второлигаш Охрид во пресрет на прославата на големиот јубилеј, 100 години од фудбалот во Охрид, на натпреварот со Беса во воведната рунда од Втората македонска лига Запад настапи со специјални дресови. На нив има посвета токму за стогодишниот јубилеј на фудбалот во Охрид.

Охридскиот фудбалски клуб во текот на следната недела ќе пушти ограничен број на дресови за фановите кои ќе можат да се купат по промотивна цена од 1.500 денари. Исто така во продажба се и сезонски билети, кои чинат 1.000 денари.