Осман Дембеле би можел да потпише за Њукасл следното лето без надомест. Четвртиот најскап фудбалер на сите времиња има договор со Барселона до крајот на сезоната, а неговите агенти одложуваат во прифаќањето на продолжувањето на соработката. Барселона брза францускиот репрезентативец што поскоро да потпише нов договор за да не замине бесплатно.
„Дембеле ги разгледува своите опции по заминувањето од Барселона, а Њукасл е главниот кандидат за неговиот потпис“, пишува медиумите на Островот.
Дембеле би можел да добие петгодишен договор од Њукасл, клубот со најбогатиот сопственик во светот. Со оглед дека ќе дојде како слободен агент, тој би добил и бонус од 15 милиони евра. Преговорите веќе започнале.
Дембеле во Барселона пристигна во 2017 година за 135 милиони евра. Тој имаше големи проблеми со повредите на „Камп Ноу“ и досега собра 118 натпревари и постигна 30 голови. Оваа сезона се уште не игра поради нова повреда, а Барселона му се заканува дека доколку не потпише нов договор, вториот дел од сезоната ќе го помине на трибините.
