Стив Брус доби отказ од клупата на Њукасл. Привремено решение ќе биде Грем Џонс, а новото раководство од Саудиска Арабија брза да најде нов менаџер. Во прв план се двајца стратези, Лусиен Фавр и Пауло Фонсека. Една од опциите е и Стивен Џерард, но тој е се уште актуелен менаџер на Глазгов Ренџерс.
Стив Брус доби отштета од 8 милиони фунти за заминување од кормилото на тимот, иако минатиот викенд беше по 1.000 пат на тренерската клупа во поразот од Тотенхем (2-3).
Португалецот Пауло Фонсека е без работа откако летово се откажа од клупата на Тотенхем, а доби отказ од Рома поради седмата позиција во Серија А. Фонсека претходно со голем успех го предводеше Шахтјор.
Тимот е во зоната за испаѓање и задача и обврска на новото раководство е да го задржи местото во елитата до крајот на сезоната.
