Нубел не сака да се врати во Баерн Минхен

Голманот на Монако, Александар Нубел, изјави дека не гледа многу поента во враќањето во Баерн Минхен. Неговото име се споменува како најсериозен кандидат за голот на гигантот од Минхен откако се повреди стартниот голман Мануел Нојер.

„Нема смисла да се вратам назад. Не знам колку е сериозна повредата на Мануел. Но, мислам дека тој повторно ќе биде фит до лето, најдоцна во подготовките за следната сезона. Ќе стискам палци за него. Мојот фокус е овде во Монако“, изјави Нубел за „Билд“.