Илија Несторовски се наметнува како нов предводник на нападот на Удинезе по одличниот настап на македонскиот репрезентативец за пријателскиот натпревар со Сан Луиџи.
Удинезе триумфираше со 9-2, а првиот гол од пенал го постави Теодорчик, откако Несторовски беше соборен во противничкиот шеснаесетник. Прволигашот потоа поведе со 3-0, за во финишот од полувремето на сцена да стапи Македонецот, кој набрзина постигна два погодоци, за предност на својата екипа од 5-0.
Несторовски влегува во одлична форма, а во следните две седмици ќе се обиде да се наметне кај тренерот Игор Тудор за место во првиот тим на стартот од новата сезона и дуелот со Милан закажан за 25 август.
