Фудбалерот на Реал Мадрид, Арда Ѓулер, заработи нова повреда, трета по пристигнувањето во шпанската престолнина.
Турчинот летово дојде како капитално засилување за иднината, во последен момент ја одби понудата на Барселона и го избра Реал Мадрид, но потоа почна неговиот кошмар.
Ѓулер веднаш заработи повреда на мускулот, поради што паузираше два месеци, па штом доби зелено светло ја обнови повредата на тренинг.
Неговото враќање беше закажано за оваа недела, требаше да биде на клупата против Брага во Лигата на шампионите и да добие минутажа, но повторно се повреди.
Ова денеска го потврди и Карло Анчелоти.
„Вистина е дека Ѓулер се повреди, но не се опорави од претходната повреда. Сепак, не сме загрижени, му рековме да не брза, неговата иднина е светла во Реал Мадрид“, изјави Анчелоти.
Според првите информации, Турчинот ќе паузира уште еден месец, а неговото деби за Реал Мадрид е одложено за средината на декември.
