Манчестер Сити со „песна“ се врати од Марсеј каде триумфираше против Олимпик со 0-3 во Лигата на шампионите, но во меѓувреме Пеп Гвардиола го снајде нова беља. Аргентинскиот интернационалец Серхио Агуеро ќе го нема на располагање најмалку еден месец. Тој заработи повреда на бутниот мускул на последниот тренинг пред заминување за Франција.
Ситуацијата за менаџерот на „граѓаните“ дополнително го отежнува фактот дека и Габриел Жесус е повреден, па ќе ги нема на располагање двајцата најквалитетни напаѓачи и ќе мора да импровизира.
