Нова драматична ситуација во најтрофејниот македонски клуб. Вардар нема каде да тренира. Ниту комплексот во Хиподром, ниту Академијата блиску до арената „Тодор Проески“ не се сопственост на клубот. Очигледно и дека постои сериозно лоша комуникација меѓу се уште актуелниот спонзор Сергеј Самсоненко и новото раководство кое треба да го преземе клубот.
Најновите информации се дека Самсоненко не дозволува да се тренира на комплексот и на терените од Академијата затоа што тие не се сопственост на Вардар.
Од утре вардарци планираат да почнат со тренинзи, само пет-шест дена во пресрет на пролетната полусезона. Нов тренер е Никола Илиевски Џиџи, а „црвено-црните“ ќе имаат на располагање млади сили, надополнети со дел од поискусните кои останаа верни на клубот и не заминаа во друга средина.
