Ливерпул го прегази Манчестер Јунајтед на „Олд Трафорд“ со 0-5, а најновата информација која пристигнува од Островот е дека португалската ѕвезда Кристијано Роналдо и младиот фудбалер Мејсон Гринвуд се во лоши односи. Наводно, Португалецот сака младиот Англичанец да му се потчини. Според Роналдо, Гринвуд треба почесто да му асистира наместо да шутира кон противничкиот гол.
Напаѓачите на Манчестер имаат лоша соработка на теренот и многу ретко ја додаваат топката еден на друг што дури другите соиграчи го забележале.
Гринвуд на почетокот на сезоната постигна гол на три последователни натпревари во Премиер – лигата, но по доаѓањето на Роналдо само еднаш ја затресе противничката мрежа во следните девет натпревари.
