Фудбалерот од средниот ред, Бобан Николов смета дека Македонија можела да го реши натпреварот против Израел уште во првото полувреме кога не беа реализирани три одлични можности. Но, сега се тоа останува зад нас, а мора целата концентрација да биде кон дуелот против Летонија на 9. септември…
„Бевме многу подобри во однос на минатите мечеви. Решивме да не се залетуваме и излезе добро иако жалиме зошто можевме и да победиме. Можевме да го решиме мечот уште во првото полувреме кога имавме три одлични можности, а имавме зицер на крајот. Но, тоа е фудбалот… Сега безусловно мора да ја победиме Летонија“ – вели Николов.
