Македонскиот репрезентативец Бобан Николов е пред можна преселба во Серија А. Новопромовираниот член на најсилната италијанска лига, Бреша е сериозно заинтересирана во своите редови да го види фудбалерот од средниот ред на унгарски Мол Види.
Како што пренесува италијанскиот „Тутомеркато“, Бреша веќе подолг период ги следела настапите на Николов и за Мол Види и во дресот на македонската репрезентација, па по освојувањето на Серија Б и пласманот во Серија А за новата сезона веќе се активирани и понудите за ангажман на македонскиот фудбалер.
Наредниот период се очекува договор меѓу двата тима околу финансиските услови под кои Николов би заминал од унгарскиот тим и би се преселил во атрактивната Серија А.
