Хрватскиот репрезентативец Никола Влашиќ бара клуб во кој би имал поголема минутажа од минатата сезона во Вест Хем за да влезе во форма пред Мундијалот во Катар.
„Скај Спорт Италија“ објави дека Влашиќ е многу блиску до преселба во Торино и дека средбата меѓу челниците на седумкратниот шампион на Италија и Вест Хем ќе се одржи во текот на денешниот ден.
„Торино работи на негово доведување, но нема да биде лесно бидејќи уште неколку клубови се обидуваат да го доведат Влашиќ. Влашиќ не е во плановите на Вест Хем за следната сезона и лондонскиот клуб планира да го испрати на позајмица“, пишува Скај Спорт Италија“.
Споменатиот извор наведува дека тренерот на Торино, Иван Јуриќ, во Влашиќ гледа замена за Јосип Брекало, уште еден Хрват, кој како позајмен од Торино се врати во Волфсбург.
