Ерлинг Халанд одигра уште еден одличен натпревар за Манчестер Сити. Неговиот тим го победи Нотингем Форест со 6-0, а младиот норвешки напаѓач постави два рекорди во Премиер – лигата.
Халанд ја погоди мрежата на Нотингем во 12., 23. и во 38. минута, а играше до 69. минута.
Новите три гола значат дека во првите пет натпревари во кариерата во Англија тој веќе постигна девет гола, што е достигнување кое досега не е забележано во Премиер – лигата. Со ова тој го надмина рекордот кој го држеше Серхио Агуеро, исто така во дресот на Манчестер Сити, и Мик Квин со Њукасл.
Халанд погоди два пати против Вест Хем, еднаш против Њукасл, а потоа постигна два хет-трика, против Кристал Палас и против Нотингем Форест. Единствениот тим против кој не постигна гол е Борнмут. Тој беше асистент на тој натпревар.
Освен овој рекорд, Халанд има уште еден. Тој стана најбрзиот играч кој постигнал два хет-трика во Премиер – лигата. Досега рекордот го држеше Демба Ба, а му беа потребни 21 натпревар.
