Можеби звучи неверојатно, но е вистинито. Ралф Рангник вечерва на „Олд Трафорд“ го очекува дерби со Манчестер Јунајтед против Челси, а веќе утре во Виена ќе биде промовиран во нов селектор на фудбалската репрезентација на Австрија.
Рангник го наследи Оле Гунар Солскјер во Јунајтед оваа зима, но само како привремено решение до крајот на сезоната, а потоа требаше да седне во директорската фотелја и да ја води трансферната политика на клубот од „Олд Трафорд“.
Сепак, Рангник денеска во Виена се сретнал со претседателот на Фудбалската федерација на Австрија и спортскиот директор и по еден час размислување била договорена соработка.
