Несторовски стартер, Удинезе ремизираше со Кротоне

Македонскиот репрезентативец Илија Несторовски беше стартер за тимот на Удинезе во денешното реми без голови против Кротоне. По трите последовни победи, Удинезе овојпат не успеа да ја затресе противничката мрежа, а Нестор-гол беше на теренот до 65.минута, кога на негово место во игра влезе Жерар Делофеу. 

Удинезе по 11 одиграни кола во Серија А се наоѓа на десеттата позиција со 14 освоени бода. Кротоне е последнопласиран со само шест бода.