Илија Несторовски не го криеше разочарувањето по најновата повреда што ја заработи на дуелот со Цитадела. Македонецот постигна гол за водство од 1-0, но уште во првото полувреме мораше да биде заменет, па сега ќе мора повторно да паузира од терените.
„Премногу сакав да играм, да помогнам. Бев пресреќен кога дадов гол, но кога се повредив ми стана јасно дека најверојатно згрешив што форсирав толку“ – истакна Несторовски.
Во следните 48 часа се очекуваат и резултатите од новите детални прегледи врз македонскиот голгетер, по што ќе биде јасно дали Несторовски ќе биде подготвен за јунските квалификациски средби на нашиот национален тим со Полска и со Австрија.
