Илија Несторовски во следните неколку дена и официјално ќе го облече дресот на Удинезе и ќе се приклучи на подготовките на новиот клуб. Сите детали од соработката меѓу македонскиот голгетер и раководството на Удинезе се веќе договорени, а Нестор-гол веќе го избрал и бројот на дрес во новиот клуб. Несторовски ќе продолжи да го носи дресот со број 30, што претходно му припаѓаше и во таборот на Палермо.
Договорот што Несторовски ќе го потпише со „фриулијаните“ е со важност од три сезони, со можност истиот да биде продолжен за уште една дополнителна година.
Несторовски ќе пристигне на „Фриули“ како слободен играч, по раскинот на договорот со сицилијанскиот клуб откако Палермо беше исфрлен во четвртата лига.
