Нестор-гол ќе тресе мрежи во дресот на Славен Белупо

Поранешниот македонски репрезентативец Илија Несторовски потпиша договор со хрватскиот прволигаш Славен Белупо. Тој по девет години се враќа во хрватскиот шампионат и ќе го носи дресот на клубот од Копривница.

Несторовски осум години играше во Италија, го носеше дресот на Палермо, Удинезе и на Асколи, а претходно настапуваше во хрватскиот клуб Интер Запрешиќ.

Во последната сезона напаѓачот имаше 20 настапи за Асколи и постигна два гола.