Фудбалерите уживаат во голема слава додека се на теренот, но откако ќе ја завршат кариерата, поголем дел од нив се непрепознатливи.
Најдобар доказ за тоа е поранешниот француски репрезентативец и напаѓач на Ливерпул, Џибрил Сисе, кој во 2015 година стави крај на играчката кариера, но потоа двапати се враќаше на сцената.
Првпат паузираше во 2017 година и одигра една сезона во швајцарскиот Ивердон, а истото го направи и пред две години кога потпиша за ПАО Чикаго, но во тој клуб остана само два месеци.
Во летото 2021 година, Џибрил Сисе дефинитивно стави крај на фудбалската кариера и се посвети на музиката со која активно се занимава веќе седум години.
Тој реши да биде диџеј и добро му оди бидејќи настапува низ целиот свет, а пред неколку дена Сисе настапи и во Белград.
Поранешниот француски напаѓач во петокот наутро пристигна во Белград каде што имаше настап во еден локален клуб и остави доста добар впечаток, судејќи по коментарите на социјалните мрежи.
Сепак, по пристигнувањето на аеродромот во Белград, никој не го препозна 42-годишниот Сисе, бидејќи многу се променил, а некогаш играјќи за Ливерпул бил познат по цела планета.
