Нејмар утре на операција, ќе паузира 10 месеци

Напаѓачот на Ал-Хилал и бразилски репрезентативец Нејмар утре ќе биде опериран и ќе закрепнува околу 10 месеци, пренесува „Глобо“. Тој на 18 октомври тешко се повреди на натпреварот на репрезентацијата на Бразил против Уругвај (0-2) во квалификациите за СП 2026.

Напаѓачот ги скинал вкрстените лигаменти и менискусот на левото колено.

31-годишниот напаѓач утре ќе биде опериран во Бразил, а на барање на играчот интервенцијата ќе ја изврши репрезентативниот лекар Родриго Ласмар.