Бразилскиот репрезентативец Нејмар се појави во јавност по подолг период и шокираше со својот изглед. Бразилските медиуми тврдат дека тој за време на рехабилитацијата се здебелил повеќе од десетина килограми.
Нејмар беше меѓу гостите кои беа присутни на роденденската забава на фудбалската легенда Ромарио.
За саудискиот напаѓач, Ал Хилал, ова е прво јавно појавување по три месеци откако ги скина предните вкрстени лигаменти и беше опериран на крајот од ноември.
Фотографиите од доаѓањето на Нејмар на прославата во ноќен клуб во Рио де Жанеиро се појавија на социјалните мрежи, покажувајќи дека е сериозно здебелен.
