Бразилската ѕвезда Нејмар откри дека се пошегувал со соиграчот од Пари Сен Жермен, Лионел Меси, дека ќе ја победи неговата Аргентина во финалето на претстојното Светско првенство во Катар. Напаѓачот, исто така, зборуваше пофално за друг соиграч, Килијан Мбапе, и покрај нивното неодамнешно несогласување.
„Светското првенство е мојот најголем сон. Така е откако дознав што е фудбал. Сега добивам уште една шанса да го направам тоа, па се надевам дека ќе можам. Дали разговараме со Меси и Мбапе за Светското првенство? Секако, сите имаат големи надежи за Светското првенство и се возбудени. Понекогаш се шегуваме дека ќе се соочиме во финалето. Му велам на Меси дека ќе станам шампион и дека ќе го победам во финалето, а потоа се смееме. Да се игра со него и со Килијан е големо задоволство. Тие се врвни играчи, Меси беше најдобар вои светот, а Мбапе е ѕвезда во подем“, изјави Нејмар.
