Нејмар му посака добредојде на Меси: Повторно заедно!

Лионел Меси е нов играч на ПСЖ. Откако мораше да ја напушти Барселона поради финансиските проблеми на каталонскиот гигант и одбивањето на договорот од Ла Лига, во Париз е пречекан како што му доликува, како најдобриот фудбалер во светот.

ПСЖ очекува конечно да го освои трофејот во Лигата на шампионите, а не треба да се заборави дека Лил ја понесе титулата за најдобар француски клуб минатата сезона. Меси ќе има поддршка од играчи како Рамос, Верати, Ди Марија и Мбапе во нападот на новите трофеи, но неговата средба со Нејмар е особено возбудлива.

Бразилецот и Аргентинецот се одлични пријатели, и одиграа четири сезони заедно во Барселона во кои освоија се. Со Суарез го формираа култното трио „МСН“, еден од најдобрите напади во историјата на играта.

Наводно Нејмар го убедувал Меси некое време да му се придружи во Париз, и го поздрави на својот Инстаграм со една фотографија.