Бразил го победи Еквадор со 2-0 во Порто Алегре со гол и асистенција на Нејмар остварувајќи ја петтата победа во исто толку натпревари од квалификациите за СП 2022 година.
Бразил ги стави во мирување тензиите околу настапот на Копа Америка и успеа да го совлада Еквадор.
Во 65.минута, Нејмар го проигра Ришарлисон за водство на „селекао“, а потоа и реализираше од пенал за конечни 2-0. Тој погоди дури од втор обид. Првиот пат голманот на Еквадор го одбрани неговиот удар, но пеналот беше повторен поради предвремено напуштање на гол – линијата.
